ذكورية أبو فاضل تضرب من جديد وهذه المرّة عبر إهانته لدور النساء الوزيرات

بعد هجومه اللاذع على النائبة بولا يعقوبيان، شكّل خبر توزير 4 سيّدات داخل الحكومة الجديدة مادة استهزاء للصحافي جوزف أبو فاضل الذي تناول المسألة باستخفاف واستضعاف قد يصل الى الاهانة.
فردّ ابو فاضل على سؤال أثناء حلوله ضيفا على “نهاركم سعيد” من الـlbci، وقال حرفياً متحدّثاً عن حسنات وجود نساء في الحكومة: “هني برتبوا وبرطبوا الجوّ عرفت كيف؟ يعني شو بدّو يقعد يحكي الواحد قدام مَرا؟ ما فيك تحكي.اذا بدّك تفلّت حكي ما فيكّ، اذا بدّك تحكي كلام خارج عن المألوف ما فيك!”.
ويقول له المحاور:” رح يضبوا مجلس الوزراء يعني؟” فيجيب بضحكته المليئة سخرية:”لازم يضبضبوا! على كل وحدة منن انو تضبّ 8 وزرا 7 وزرا بيمشي الحال.. ايه سبع وزرا.. سبعة بأربعة؟”.
وقد لاقى كلام ابو فاضل سلسلة من الردود الشاجبة، لاسيما على تويتر.

المصدر : موقع شريكة ولكن