إعلامي لبناني يعلن إصابته بكورونا في عيد مولده!

أعلن الإعلامي اللبناني جيري غزال إصابته بكورونا ناشرا التالي عبر فيسبوك:

وأكلناها!  من كل الإيام، نهار عيدي هوّي النهار اللي بتطلع فيه نتيجة كورونا إيجابية. مش معقول ما في شي بحياتي بيصير بشكل عادي! هيدا القالب حضّرولي ياه اصحابي حتى آخدو اليوم، عملوه من وحي كورونا قد ما بيضلّو يتساءلو عليي إنني مسرسب وما قدرت حتى آخدو. نقلت ع بيتي كان بعدو بلا بواب بس بلشِت كورونا حتى ما ضل مع أهلي، معظم المواضيع اللي بحضّرا بتكون حول التوعية، زارب حالي بالبيت إلي سنة ومعظم الناس عايشة حياتها عادي، وما عم قرّب من حدا بلا كمامتين، وبلا ما يكونو الشبابيك مفتوحين حتى صارو يتمثلو فيي ويقولولي قد ما انت نيئة رح تلقطا اول واحد. ضاينت سنة عالقد. كنت عم بنتبه قد ما بقدر بس بحكم شغلنا في ظروف ومطارح ما منقدر نتفاداها. بعتذر من اي شخص معقول كون عرّضتو بلا ما اعرف مع انني كنت عم بنتبه عالآخر، واصلاً مش عارف كيف ومن وين لقطت الفيروس. بيزعّل تلقط كورونا هلق وبغير بلدان الناس اتطعّمت، بس بسيطة، تعوّدنا. انشالله تكون سنة التلاتين صبِّت كل شي عاطل عندا بأوّلا. انتبهو ع حالكن وعللي بتحبوون وبرجعلكن قريباً.